हिमाल प्रेस 
काठमाडौँ- आईसीसी विश्वकप क्रिकेट २०२३ मा भारतले श्रीलंकालाई ३५८ रनको विशाल लक्ष्य दिएको छ। मुम्बईको वानखडे क्रिकेट मैदानमा टस हारेर पहिले ब्याटिङ गरेको भारतले ८ विकेटको क्षतिमा ३५७ रन बनाएको हो।
भारतका लागि शुभमन गिलले ९२, विराट कोहलीले ८८ तथा श्रेयस अयरले ८२ रनको योगदान दिए। भारतका कप्तान समेत रहेका ओपनर रोहित शर्मा पहिलो ओभरमै ४ रन बनाएर आउट भएपछि भारतको सुरुवात खराब हुन पुगेको थियो।
कप्तान शर्मा आउट भएपछि गिल र कोहलीले भारतको इनिङ्स उकासे। श्रीलंकाका लागि दिल्शान मधुशांकाले १० ओभरमा ८० रन दिँदै ५ विकेट लिए।
प्रकाशित: १६ कार्तिक २०८० १८:३४
प्रतिक्रिया
