हिमाल प्रेस 
काठमाडौँ– त्रिभुवन अन्तर्राष्ट्रिय विमानस्थलको भन्सार कार्यालयबाट ठूलो परिमाणको अवैध सुन बाहिरिएको विषयमा छानबिन गर्न भन्सार विभागले समिति गठन गरेको छ।
भन्सार विभागका अनुसन्धान शाखा निर्देशक मानबहादुर पौडेलेको नेतृत्वमा समिति गठन गरिएको निर्देशक पुण्यविक्रम खड्काले जानकारी दिए।
सुन बाहिरिएको समयमा ड्युटीमा रहेका कर्मचारीलाई आजै निलम्बन गर्ने तयारी गरिएको छ। यसका लागि भन्सार विभागमा बैठक बसिरहेको खड्काले बताए।
बुधबार बेलुका विमानस्थलबाट जाँचपास भएर बाहिरिएको सुन सिनामंगलबाट राजस्व अनुसन्धान विभागको टोलीले बरामद गरेको थियो।
प्रकाशित: ४ साउन २०८० ११:५२
प्रतिक्रिया
