एनआईएमबी एस क्यापिटलको एकीकृत कारोबार सुरु

काठमाडौँ– एनआईबीएल एस क्यापिटल लिमिटेड र मेगा क्यापिटल मार्केट्स लिमिटेड मिलेर बनेको एनआईएमबी एस क्यापिटलको एकीकृत कारोबार सुरु भएको छ।

साविकका दुवै संस्थाको असार १२ गते बसेको सञ्चालक समितिको छुट्टाछुट्टै बैठकले ‘एनआईएमबि एस क्यापिटल लिमिटेड’को नाममा एकीकृत कारोबार गर्ने स्वीकृत प्रदान गरेका थिए।

दुई संस्था मर्जरपश्चात कम्पनीको चुक्ता पुँजी ४७ करोड पुगेको छ। ४ लाख ८५ हजारभन्दा बढी हितग्राही खाता, ७ वटा शाखा कार्यालय र ५५ वटाभन्दा बढी कम्पनीको सेयर रजिष्ट्रार कार्यमार्फत २५ लाख भन्दा बढी सेयरधनीलाई सेवा प्रदान हुने भएको छ।