हिमाल प्रेस 
काठमाडौँ- अख्तियार दुरुपयोग अनुसन्धान आयोगले कञ्चनपुरको महाकाली नदीमा ढुंगा, गिट्टी, बालुवा उतखनन्मा करिब साढे ५ करोड रुपैयाँ घोटाला भएको पुष्टि गरेको छ।
आयोगले महाकाली नदीमा गत आर्थिक वर्ष २०७८/७९मा भीमदत्त नगरपालिकाले ठेक्कामा दिएको नदीजन्य वस्तु उत्खनन्मा ५ करोड ४३ लाख ३१ हजार ८ सय २७ रुपैयाँ घोटाला भएको पुष्टि गरेको हो।
आयोगमा परेको उजुरीका आधारमा छानबिन हुँदा भीमदत्त नगरपालिकाका तत्कालीन प्रमुख प्रशासकीय अधिकृत, लेखा, ठेकेदारलगायत विरुद्ध सो बराबरको विगो असुल गर्न आयोगले बुधबार काठमाडौँ जिल्ला अदालतमा आरोपपत्र दायर गरेको हो।
‘भीमदत्त नगरपालिका कन्चनपुरले भवानी कन्स्ट्रक्सन प्रालिसँग ठेक्का सम्झौता गर्दा ५ करोड ४३ लाख ३१ ह्जार ८ सय २७ रुपैयाँ ७६ पैसाब राबरको राजस्व रकम हानिनोक्सानी गरेको कसुर पुष्टि हुन आएको छ,’ आयोगले जारी गरेको विज्ञप्तिमा उल्लेख छ।
