सिरहा गोलबजार उद्योग व्यापार संघमा नेकपा, एमाले र कांग्रेसका साझा उम्मेदवारको जित

हिमाल प्रेस ६ मंसिर २०८३ १०:४७ | Sunday, November 22, 2026
10
SHARES
सिरहा गोलबजार उद्योग व्यापार संघमा नेकपा,  एमाले र कांग्रेसका साझा उम्मेदवारको जित

काठमाडौँ- सिरहा गोलबजार उद्योग व्यापार संघको निर्वाचनमा महेश साह (कोक्वा) प्यानलसहित निर्वाचित भएका छन् । निर्वाचन मत परिणाम अनुसार प्रतिस्पर्धी राजु गुप्ताको प्यानललाई पछि पार्दै महेश साहको प्यानल सहित निर्वाचित भएको हो ।

अध्यक्ष पदमा साह फराकीलो मतान्तरले विजयी भएका छन्। उनले ७९४ मत प्राप्त गर्दा प्रतिस्पर्धी गुप्तालेले ५४४ मतमात्र प्राप्त गरेका छन् । २५० मतान्तरले विजयी भएका हुन्।

साह समूहका प्रथम–उपाध्यक्ष राम प्रमोद यादवले ७६८ मत प्राप्तगर्दै निर्वाचित हुँदा प्रतिस्पर्धी आनन्द कुमार यादवले ६०६ मत प्राप्त गरेको निर्वाचन अधिकृत सुरेश साहले जानकारी दिए। उपाध्यक्ष पदमा मो।सदाब खानले ६८८मतसहित निर्वाचित हुँदा प्रतिस्पर्धी ओमप्रकाश साहले ६८३ मत प्राप्त गरेको छ।

महासचिवमा अरविन्द कुमार सिंहले ७५६ मतसहित विजयी हुँदा प्रतिस्पर्धी वीरेन्द्र सिंह ९बैजु०ले ६२५ मत प्राप्त गरेको छ। कोषाध्यक्षमा कपीलदेव साह ७७२ मतसहित निर्वाचित हुँदा प्रतिस्पर्धी प्रकाश साहको मत ५८९ रहेको छ।

सदस्यहरूमा अमर कुमार मण्डल, संजय साह, वीरेन्द्र कुमार साह, मो सहबाजुदीन, नागरेश्वर राय, सरोज कुमार साह, मुन्द्रिका कुमारी झा र पिंकी कुमारी मुखिया निर्वाचित भएका छन्।

साहको प्यानललाई नेकपा, नेकपा एमाले र नेपाली कांग्रेसको एक पक्षसहितका राजनीतिक दलले समर्थन जनाएका थिए। गुप्ता राष्ट्रिय स्वतन्त्र पार्टी (रास्वपा)का उम्मेदवार थिए। उनलाई कांग्रेसका एउटा समूहले समर्थन जनाएको थियो।

शुक्रवार सम्पन्न निर्वाचनमा कुल १४१६ मत पोलिङ्ग भएको थियो। जसमध्ये ८ मत बदर पूर्ण रुपमा बदर भएको छ। गोलबजार उद्योग व्यापार संघमा ककुल १ हजार ६०३ मतदाता रहेको निर्वाचन अधिकृत सुरेश साहले जानकारी दिए।

 

प्रकाशित: ६ मंसिर २०८३ १०:४७ | Sunday, November 22, 2026

प्रतिक्रिया

Leave a Reply

Your email address will not be published. Required fields are marked *

1 × one =


© Nepali horoscope

© Gold Price Nepal

© Nepal Exchange Rates
© Nepal weather forecast