हिमाल प्रेस 
काठमाडौँ- नेपाली कांग्रेसको १५औँ केन्द्रीय महाधिवेशनका लागि देशभरबाट ७ हजार ११४ जना प्रतिनिधि कायम भएका छन्।
केन्द्रीय निर्वाचन समितिले सार्वजनिक गरेको अन्तिम मतदाता नामावलीअनुसार उक्त संख्यामा प्रतिनिधिहरू महाधिवेशनमा सहभागी हुने भएका हुन्।
निर्वाचन समितिले महाधिवेशनका लागि देशभरका विभिन्न जिल्ला र क्षेत्रगत रूपमा प्रतिनिधिहरूको नामावली सार्वजनिक गरेको हो। यस्तै प्रवासबाट पनि प्रतिनिधि सहभागी छन् ।
यस नामावलीअनुसार इच्छुकले मनोनयन दर्ता प्रक्रियामा सहभागी हुन सक्ने समितिले सूचित गरेको छ। कांग्रेस महाधिवेशन आइतबारदेखि राजधानीमा जारी छ भने आज दिउँसो साढे १२ बजेदेखि नयाँ कार्यसमितिका लागि मनोनयन दर्ताको कार्यक्रम छ ।
प्रकाशित: २० असोज २०८३ ७:३२ | Tuesday, October 6, 2026
प्रतिक्रिया
