हिमाल प्रेस 
काठमाडौँ- प्रधानमन्त्री वालेन्द्र शाह संयुक्त राष्ट्रसंघको ८१औँ महासभामा सहभागी हुन अमेरिका प्रस्थान गर्ने भएपछि अर्थमन्त्री स्वर्णिम वाग्लेलाई कार्यवाहक प्रधानमन्त्रीको जिम्मेवारी दिइएको छ।
प्रधानमन्त्री शाहले आफ्नो अनुपस्थितिमा कार्यवाहक प्रधानमन्त्रीको जिम्मेवारी अर्थमन्त्री वाग्लेलाई तोक्न राष्ट्रपति रामचन्द्र पौडेलसमक्ष सिफारिस गरेका थिए।
प्रधानमन्त्रीको सिफारिसका आधारमा राष्ट्रपति पौडेलले वाग्लेलाई कार्यवाहक प्रधानमन्त्री तोकेका हुन्।
प्रधानमन्त्री शाह आज साँझ ७ बजे संयुक्त राष्ट्रसंघको महासभामा सहभागी हुन अमेरिकाको न्यूयोर्क प्रस्थान गर्दैछन्।
प्रधानमन्त्री शाहले संयुक्त राष्ट्रसंघको महासभालाई आगामी बिहीबार सम्बोधन गर्ने कार्यक्रम छ।
उनी असोज १० गते स्वदेश फर्किने कार्यतालिका रहेको प्रधानमन्त्रीको सचिवालयले जनाएको छ।
प्रकाशित: ६ असोज २०८३ १३:४३ | Tuesday, September 22, 2026
प्रतिक्रिया
