महाधिवेशनतिर अघि बढ्यो राप्रपा, ७२ जिल्लाको अधिवशेन सम्पन्न [जिल्ला र सभापतिसहित]

काठमाडौँ– मंसिर अन्तिर साता महाधिवेशन गर्ने तयारी गरिरहेको राष्ट्रिय प्रजातन्त्र पार्टी (राप्रपा)ले ७२ जिल्लाको अधिवेशन सकेको छ।

भदौ मसान्तसम्म सबै जिल्लाको अधिवेशन गर्ने तयारीमा रहे पनि राप्रपाले ५ जिल्लामा गर्न सकेको छैन।

राप्रपाले जिल्ला, प्रदेश र त्यसपछि केन्द्रको अधिवेशन गर्ने तयारी गरेको छ। राप्रपा प्रवक्ता मोहन श्रेष्ठका अनुसार गण्डकीका ११ जिल्ला, लुम्बिनीका १२ जिल्ला, कोशी प्रदेशका १४ जिल्ला, बागमती प्रदेश १३ जिल्ला, सुदूर पश्चिमका ९ जिल्ला, मधेशका ८ जिल्ला, कर्णालीका १० जिल्लामा अधिवेशन सकेको छ।