हिमाल प्रेस 
कांग्रेस संसदीय दलका नेता भीष्मराज आङदेम्बे। फाइल तस्बिर
काठमाडौँ- नेपाली कांग्रेस संसदीय दलको बैठक सोमबार बस्ने भएको छ।
नेपाली कांग्रेस संसदीय दलको कार्यालयले दिएको जानकारी अनुसार बैठक बिहान ११:०० बजे सिंहदरबारस्थित दलको कार्यालयमा बस्ने तय भएको हो। बैठकमा वर्तमान राजनीतिक अवस्था, संसद्मा पार्टीको भूमिका र जनसरोकारका समसामयिक विषयहरूमा गहन छलफल हुनेछ। मुलुकको पछिल्लो राजनीतिक घटनाक्रम र आगामी संसदीय रणनीति तय गर्न यो बैठक बोलाइएको हो।
प्राकृतिक विपद्का घटनाहरू र जनताका तत्कालीन समस्याका विषयमा समेत बैठकमा समीक्षा हुने जनाइएको छ।
प्रकाशित: १५ भदौ २०८३ ७:४३ | Monday, August 31, 2026
प्रतिक्रिया
