हिमाल प्रेस 
काठमाडौँ- नेपाली कांग्रेसका नेता नारायणप्रकाश साउद (एनपी) ले पार्टीभित्रका सबै पक्षबीच एकता कायम नभएसम्म कांग्रेस प्रभावकारी र शक्तिशाली बन्न नसक्ने बताएका छन्।
बीपी स्मृति दिवसका अवसरमा बुधबार काठमाडौँमा संस्थापन इतर समूहले आयोजना गरेको भेलालाई सम्बोधन गर्दै उनले यस्तो बताएका हुन्।
नेता साउदले पार्टीको विशेष महाधिवेशनमा सहभागी भएका र नभएका दुवै पक्षलाई भावनात्मक रूपमा एकताबद्ध बनाउनु नेतृत्वको मुख्य दायित्व भएको धारणा राखे।
उनले संस्थापन इतर समूहमा रहेका नेताकार्यकर्ताहरू कसैका लास र दास नभएको पनि बताए।
प्रकाशित: ६ साउन २०८३ १७:०५ | Wednesday, July 22, 2026
प्रतिक्रिया
