हिमाल प्रेस 
काठमाडौँ- नेपाल प्रिमियर लिग (एनपीएल) को तेस्रो संस्करणका लागि कर्णाली याक्सले युवा लेगस्पिनर युवराज खत्री सहितका ७ खेलाडीलाई रिटेन गरेको छ । उनीहरू आउँदो सिजन पनि कर्णालीबाटै खेल्ने छन्।
कर्णाली तेस्रो संस्करणको एनपिएलका लागि युवराज सहित कप्तान सोमपाल कामी, अलराउण्डर पवन सरार्फ, अलराउण्डर गुल्सन झा, तीव्रगतिका बलर नन्दन यादव, ब्याटर दिपक डुम्रे र बलर युनि विक्रम सिंह ठकुरीलाई रिटेन गरेको छ ।
कर्णालीले पहिलो संस्करणको एनपिएलमा युवा प्रतिभाको रुपमा ट्यालेन्ट हन्ट मार्फत टिममा भित्र्याएको विपिन शर्मालाई भने रिलिज गरेको छ ।
कर्णालीले विपिन सहितका अर्जुन घर्ती, दीपेन्द्र रावत, मनिष थापा, इम्रान शेखलाई भने रिलिज गरेको छ । रिलिज गरिएका विपिन, अर्जुन र दीपेन्द्र कर्णाली प्रदेशकै हुन् । यसअघि दुई संस्करण नै तीनै खेलाडीले कर्णाली याक्सबाटै खेलेका थिए ।
पहिलो संस्करणमा प्लेअफमा स्थान बनाएको कर्णाली दोस्रो संस्करणमा भने छैटौं स्थानमा रहेको थियो ।
