हिमाल प्रेस 
तनहुँ- पृथ्वीराजमार्गअन्तर्गत तनहुँको आँबुखैरेनी-२ ढावटारमा शुक्रबार बिहान तरकारी बोकेको बोलेरो जिप र कन्टेनर ठोक्किएको छ।
जिल्ला प्रहरी कार्यालय तनहुँका अनुसार दुई सवारी साधन आपसमा ठोकिँदा बोलेरो जिपमा सवार दुई जना घाइते भएका छन्।
घाइतेहरूको पहिचान र अवस्था भने खुल्न बाँकी रहेको प्रहरीले जनाएको छ।
दुर्घटनापछि सडक केही समय अवरुद्ध भएको र अहिले भने आवागमन सामान्य बनाइएको प्रहरीले जनाएको छ।
थप अनुसन्धान भइरहेको जिल्ला प्रहरी कार्यालय तनहुँले जानकारी दिएको छ।
प्रकाशित: २२ जेठ २०८३ १२:१० | Friday, June 5, 2026
प्रतिक्रिया
