हिमाल प्रेस 
बाजुरा- बाजुराको खप्तड छेडेदह गाउँपालिका–६ का वडाध्यक्ष हर्कबहादुर विष्टको ५० वर्षको उमेरमा गएराति निधन भएको छ। गाउँपालिकाकी उपाध्यक्ष विसुदेवी नाथका अनुसार, २०७९ सालको स्थानीय तहको निर्वाचनमा नेपाली कांग्रेसबाट वडाध्यक्ष पदमा निर्वाचित विष्ट टाउकोको ‘क्यान्सर’बाट पीडित थिए।
गाउँपालिकाका अध्यक्ष दिलबहादुर रावतले समाजसेवी समेत रहेका वडाध्यक्ष विष्टको निधनमा गाउँपालिकाले एकदिन शोक बिदा दिने र आधा झण्डा झुकाउने बताए। रासस
प्रकाशित: १० वैशाख २०८३ ८:२४ | Thursday, April 23, 2026
प्रतिक्रिया
