हिमाल प्रेस 
काठमाडौँ- ललितपुरको कुसुन्ती हाइटबाट एक चितुवाको उद्धार गरिएको छ।
मंगलबार बिहानै कुसुन्ती हाइटमा रहेको माछापुच्छ्रे स्कुलको हाताभित्र चितुवा देखिएपछि सदर चिडियाखानाको प्राविधिक टोलीले उद्धार गरेको हो।
सातदोबाटो प्रहरी, जिल्ला वन कार्यालय ललितपुर, ललितपुर महानगरका नगर प्रहरीको टोलीको संयुक्त प्रयासबाट चिडियाखानाको प्राविधिक टोलीले चितुवाको उद्धार गरेको ललितपुर महानगरका नगर प्रहरी प्रमुख सीताराम हाछेथुले जानकारी दिए।
चितुवाको उद्धारपछि उपचारका लागि चिडियाखानाको वन्यजन्तु अस्पतालमा राखिएको सदर चिडियाखानाले जनाएको छ।
प्रकाशित: २६ फागुन २०८२ १५:५४ | Tuesday, March 10, 2026
प्रतिक्रिया
