हिमाल प्रेस 
पोखरा- स्कुल बस चालकले मादक पदार्थ सेवा गरी सवारीसाधन चलाउने गरेको गुनासोपछि कास्की प्रहरीले चेकिङ गरेको छ।
सोमबार जिल्ला प्रहरी कार्यालय, कास्कीले पोखराका विभिन्न भागमा गरेको चेकिङमा ५ वटा बस चालक पक्राउ परेका छन्।
पक्राउ पर्नेमा माउन्ट हेभन बोर्डिङ स्कुलको ग १ क ३६७४ नम्बरको बसका चालक वर्ष ३३ का आनन्द परियार, कुमुदिनी होम्स बोर्डिङ स्कुलको ग १ क १३८२ नम्बरका बस चालक वर्ष ३७ का गौतम गुरुङ, विन्देश्वरी स्कुलको ग १ क ६२२१ नम्बरका बसचालक वर्ष ४४ का भक्तबहादुर गुरुङ, अञ्जली बोर्डिङको ग १ क ६४०३ नम्बरको बस चालक वर्ष ४८ का डम्बरबहादुर गुरुङ र एसओएसको ग १ क ६४३३ नं को बसका चालक वर्ष ४७ का पदम बिक हुन्।
उनीहरूलाई आवश्यक कारबाही प्रक्रिया अगाडि बढाइएको कास्की प्रहरी प्रवक्ता डिएसपी हरिबहादुर बस्नेतले जानकारी दिए।
प्रकाशित: ४ फागुन २०८२ १७:२६ | Monday, February 16, 2026
प्रतिक्रिया
