बंगलादेशको निर्वाचन सफल, बीएनपीको विजयप्रति बधाई : अमेरिका

ढाका- संयुक्त राज्य अमेरिकाले संसदीय निर्वाचन सफलतापूर्वक सम्पन्न गरेकोमा बंगलादेशलाई बधाई दिएको छ।

अमेरिकी दूतावासले शुक्रबार बिहान सन्देश पठाउँदै बंगलादेश नेशनलिस्ट पार्टी (बीएनपी) र तारिक रहमानको विजयप्रति बधाई दिइएको ढाका ट्रिब्युनले उल्लेख गरेको छ।

विज्ञप्तिमा भनिएको छ,‘सफल निर्वाचनको लागि बंगलादेशका जनतालाई बधाई र बंगलादेश नेशनलिस्ट पार्टी तथा तारिक रहमानलाई तपाईंहरूको ऐतिहासिक विजयको लागि बधाई। संयुक्त राज्य अमेरिका दुवै देशको समृद्धि र सुरक्षाका साझा लक्ष्यहरू पूरा गर्न तपाईंहरूसँग काम गर्न उत्साहित छ।’

अघिल्लो अनौपचारिक परिणामअनुसार बीएनपीले बहुमतसहित अग्रता लिएको छ।