हिमाल प्रेस 
काठमाडौँ- दसैँको फूलपातीका दिन उपत्यकाबाट बाहिरिने सर्वसाधारणको संख्या बढ्दा बिभिन्न राजमार्गमा सवारी चाप बढेको छ।
बीपी राजमार्ग, अरनिको राजमार्ग, पृथ्वी राजमार्गलगायतका राजमार्गमा सवारी चाप बढेको हो। बितेका २४ घण्टामा काठमाडौँ उपत्यकाबाट एक लाखबढी सर्वसाधारण बाहिरिएका छन्।
काठमाडौँ उपत्यका ट्राफिक प्रहरी कार्यालयका अनुसार घटस्थापनादेखि फूलपातीसम्म करिव पाँच लाख सर्वसाधारणले काठमाडौँ छाडेका छन्।
अधिकांश सडकमा ट्राफिक जामले गन्तव्यमा पुग्न समस्या भएको यात्रुहरुले गुनासो गरेका छन्। ट्राफिक प्रहरीले आवश्यकतानुसार सुरक्षाकर्मी परिचालन गरेर निर्वाध यात्राको व्यवस्था मिलाइएको जनाएको छ।
प्रकाशित: १३ असोज २०८२ १६:२१ | Monday, September 29, 2025
प्रतिक्रिया
