हिमाल प्रेस 
फाइल तस्बिर
काठमाडौँ- मधेश प्रदेशका पूर्वप्रमुख राजेश झा ‘अहिराज’ पक्राउ परेका छन्। अहिराजलाई आइतबार काठमाडौँ प्रहरीको टोलीले पक्राउ गरेको हो।
काठमाडौँ प्रहरी प्रभागका प्रवक्ता अपिलराज बोहराले अहिराजलाई आइतबार पक्राउ गरेको जानकारी दिए। उनले जिल्ला अदालत काठमाडौँबाट उनीमाथि पाँच दिनको म्याद थप गरिएको बताए।
बालिका बलात्कारको उजुरीका आधारमा काठमाडौँ प्रहरीले अहिराजमाथि अनुसन्धान थालेको थियो।
प्रहरीले जिल्ला अदालत काठमाडौँबाट गत जेठमा पक्राउ अनुमति लिएर उनीमाथि अनुसन्धान थालेको थियो। उजुरी परेयता अहिराज सम्पर्कविहीन भएका थिए।
प्रधानमन्त्री केपी शर्मा ओलीको तत्कालीन सरकारले अहिराजलाई मधेश प्रदेशको प्रदेश प्रमुख बनाएको थियो।
प्रकाशित: ४ साउन २०८२ २०:०५
प्रतिक्रिया
