हिमाल प्रेस 
काठमाडौँ- शिक्षा, विज्ञान तथा प्रविधिमन्त्री रघुजी पन्तले गरिब र निमुखा वर्गका छोराछोरीलाई निजी विद्यालयभन्दा राम्रो शिक्षा सार्वजनिक विद्यालयमा उपलब्ध गराउनु सरकारको प्राथमिकता भएको बताएका छन्।
राष्ट्रिय सभाको अठारौँ अधिवेशनको २९औँ बैठकमा शिक्षासम्बन्धी मौखिक उत्तर दिँदै मन्त्री पन्तले भने, ‘अरबपतिले त सामाजिक हैसियत देखाउन निजी विद्यालयमा छोराछोरी हाल्छ तर त्यस्तो क्षमता नभएकाका लागि गुणस्तरीय शिक्षा सार्वजनिक विद्यालयमै उपलब्ध गराउनु आवश्यक छ।’
उनले सरकारको लगानी, ध्यान र परिश्रम सामुदायिक विद्यालयको सुधारमा केन्द्रित रहने स्पष्ट पारे। ‘समयअनुसारको गुणस्तरीय शिक्षा गरिबका छोराछोरीले पाउन सकून् भन्ने सरकारको चाहना हो,’ मन्त्री पन्तले भने।
प्रकाशित: २६ असार २०८२ १५:१०
प्रतिक्रिया
