हिमाल प्रेस 
काठमाडौँ- प्रतिनिधिसभा बैठक विपक्षी दलहरूले बुधबार पनि अवरोध गरेका छन्। अपराह्न ४ बजे बसेको बैठकमा प्रतिपक्षी दलहरू उठेपछि सत्तापक्षीय सांसदहरू पनि उठेर होहल्ला गर्न माग गरेका थिए। सभामुख देवराज घिमिरेले बैठक सञ्चालनका लागि सांसदहरूलाई आग्रह गरिरहेका छन्।
विपक्षी सांसदहरूले ‘मानव तस्करलाई कारबाही गर’ भनेर नाराबाजी गरेका छन्।
भिजिट भिसा प्रकरणमा गृहमन्त्री रमेश लेखकमाथि छानबिन समिति गठन हुनुपर्ने अडान नेकपा माओवादी केन्द्र, राष्ट्रिय स्वतन्त्र पार्टी, एकीकृत समाजवादीसहितका विपक्षी दलहरूको छ।
सभामुख देवराज घिमिरेले सोमबारको बैठकमा चाँडै सहमति भएर बैठक सञ्चालन हुने संकेत गरेका थिए। यसैगरी बैठकमा सहभागी नेताहरूका अनुसार गृहमन्त्री लेखकको विषयलाई लिएर प्रमुख प्रतिपक्षी माओवादी पनि लचक देखिएको छ। तर राष्ट्रिय स्वतन्त्र पार्टी भने लेखकमाथि छानबिन गर्नुपर्ने अडानबाट पछि हटेको छैन।
