हिमाल प्रेस 
काठमाडौँ- आईसीसी महिला टी २० विश्वकप एसिया छनोटमा नेपाल र बहराइनको खेल आज हुँदैछ।
थाइल्यान्डको तर्डथाई क्रिकेट ग्राउन्डमा हुने खेल दिउँसो सवा १२ बजे सुरु हुनेछ। यसअघि नेपालले बहराइनलाई ९ विकेटले हराएको थियो।
यस्तै नेपाल र हङकङबीचको पहिलो खेल वर्षाका कारण रद्द भएको थियो। अस्ति मंगलवार भएको अर्को खेलमा भने नेपाल हङकङसँग ७ विकेटले पराजित भएको थियो।
महिला टी २० विश्वकप एशिया छनोटमा ९ वटा टिम सहभागी छन्। नेपाल, बहराइन र हङकङ समूह ‘सी’ मा छन्। यस्तै समूह ‘ए’ मा भुटान, कुवेत र आयोजक थाइल्यान्ड तथा समूह ‘बी’ मा मलेसिया, कतार र यूएई छन्।
प्रतियोगितामा हरेक समूहका शीर्ष टोली ‘सुपर थ्री’ मा पुग्नेछन्। ‘सुपर थ्री’ मा शीर्ष २ मा रहने टोली ग्लोबल छनोट चरणमा पुग्नेछन्।
प्रकाशित: १ जेठ २०८२ ७:०८
प्रतिक्रिया
