विष सेवनबाट धनुषामा तीन छाेराछाेरीको मृत्यु, आमा सिकिस्त

जनकपुरधाम- धनुषाको सहिदनगर नगरपालिका-५ यदुकुहामा विष सेवनबाट एकै परिवारका तीन बालबालिकाको मृत्यु भएको छ। सोही घटनामा आमा सिकिस्त छन्।

गएराति एकै परिवारका आमासहित चार जनाले विष सेवन गर्दा तीन छाेराछाेरीको मृत्यु भएको जिल्ला प्रहरी कार्यालयका प्रमुख एवं वरिष्ठ प्रहरी उपरीक्षक भुवनेश्वर तिवारीले जानकारी दिए।

विष सेवनबाट स्थानीय सुशील साहका ६ वर्षीय छोरा आदित्य, ४ वर्षीया छोरी आकृति तथा २ वर्षीया छोरी आरुती साह मृत्यु भएको हो।

तीनै जनाको घटनास्थलमै मृत्यु भएको र आमा पवित्रा साहको जनकपुरधामस्थित प्रादेशिक अस्पतालमा भेन्टिलेटरमा राखेर उपचार भइरहेको छ।