सप्तकोशीमा दुईजना बेपत्ता, खोज्नका लागि सशस्त्रको गोताखोर परिचालन

काठमाडौँ- सप्तकोशी नदीमा नुहाउने क्रममा डुबेर दुईजना बेपत्ता भएका छन्।

सुनसरी जिल्लाको बराहक्षेत्र नगरपालिका-१ बराहक्षेत्र मन्दिरस्थित सप्ताकोशीमा नुहाउने क्रममा खोटाङको केपिलासगढी गाउँपालिका-४ बस्ने ४० वर्षीय नवराज बास्तोला र सुनसरी जिल्लाको इटहरी नगरपालिका-१६ बस्ने १६ वर्षीय जेनिश आचार्य बिहान साढे ८ बजे नुहाउने क्रममा बेपत्ता भएको सशस्त्रका सह प्रवक्ता शैलेन्द्र थापाले जानकारी दिए।

बेपत्ता दुवैको अहिले खोजी कार्य चलिरहेको छ। थापाका अनुसार सशस्त्र प्रहरी बल नेपाल नं १ बराह बाहिनी मुख्यालय सुनसरीबाट सशस्त्र प्रहरी निरीक्षकको कमाण्डमा ५ जना गोताखोरसहितको सुरक्षा फौज परिचालन भएको छ। गोताखोरसहितको टोली घटनास्थल पुगेर खोजिकार्य सुरु गरेको थापाले जानकारी दिए।