प्रिमियर लिग : सानदार जितले चेल्सीलाई राहत

काठमाडौँ- इंग्लिस प्रिमियर लिगमा सोमबार रातिको खेलमा वल्भ्समाथि सानदार जित निकाल्दा चेल्सी शीर्ष ४ मा परेको छ।

घरेलु मैदान स्टामफोर्ड ब्रिजमा चेल्सीले ४ गोल गर्दा वल्भ्सले जबाफी एक गोल मात्र फर्काउन सक्यो। यो जितले चेल्सीले ग्रुप लिडर टोलीको प्रतिस्पर्धा कायम राखेको छ। चेल्सी चौथो स्थानमा पर्दा साविक विजेता म्यान्चेस्टर सिटी ५ औँ स्थानमा झरेको छ।

चेल्सीले पछिल्ला केही खेल जितका लागि संघर्ष गर्नुपरेको थियो। पछिल्ला ४ खेलमा चेल्सीले २ मा बराबरी र २ मा हार ब्यहोरेको थियो। वल्भ्समाथिको जितले चेल्सीलाई राहत मिलेको छ। चेल्सीलाई जित दिलाउन टोसिन अडारावियो, मार्क कुकुरेला र नोनी माडुइकेले गोल गरे।

वल्भ्सका म्याट डोहर्टीले एक गोल फर्काए। जितसँगै चेल्सी २२ खेलबाट ४० अंकका साथ तालिकाको चौंथो स्थानमा छ । वल्भ्स १६ अंकका साथ १७ औं स्थानमा छ।