आज पनि घट्यो सुनचाँदीको मूल्य

काठमाडौँ- नेपाली बजारमा आज सुनचाँदीको मूल्य घटेको छ।

आइतबार प्रतितोला चार सय रुपैयाँ घटेको सुनको भाउ आज प्रतितोला एक हजार दुई सय रुपैयाँ घटेको हो।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ४९ हजार तीन सय रुपैयाँमा कारोबार भइरहेको छ।

आइतबार छापावाल सुन प्रतितोला एक लाख ५० हजार पाँच सय रुपैयाँमा कारोबार भएको थियो।

आज चाँदीको मूल्य पनि घटेको छ। आइतबार प्रतितोला एक हजार आठ सय ४० रुपैयाँमा कारोबार भएको चाँदी आज प्रतितोला एक हजार आठ सय १५ रुपैयाँमा किनबेच भइरहेको छ।

यो मूल्य अघिल्लो दिनको तुलनामा प्रतितोला २५ रुपैयाँ घटेको हो।