सुर्खेतमा सवारी दुर्घटना हुँदा चारजनाको मृत्यु

सुर्खेत- वीरेन्द्रनगर–१४, को रातानाङ्ग्ला नजिक भएको सवारी दुर्घटनामा परी चार जनाको मृत्यु भएको छ। शुक्रबार दिउँसो दैलेख बजारबाट सुर्खेततर्फ आउँदै गरेको फोर्स गाडी दुर्घटनामा परेको हो।कर्णाली प्रदेश ०२००१ ख ०९९८ नम्बरको गाडी अनियन्त्रि भई भिरबाट खसेर दुर्घटनामा परेको प्रहरीले जनाएको छ।  प्रहरीका अनुसार दुर्घटनामा परी २५ जना घाइते भएका छन् ।

घाइते २५ जनाको उद्धार गरी थप उपचारका लागि कर्णाली प्रदेश अस्पताल सुर्खेत पठाइएको छ। २९ जना सवार उक्त गाडी सडकभन्दा झण्डै दुई सय मिटर तल खसेको छ। घटनाबारे थप विवरण आउन बाँकी रहेको प्रहरीले जनाएको छ।