हिमाल प्रेस 
फाइल तस्बिर।
काठमाडौँ- इजरायली आक्रमणमा परी पछिल्लो २४ घण्टामा गजामा ६१ जनाको मृत्यु भएको छ।
गजामा हमासले सञ्चालन गरेको स्वास्थ्य मन्त्रालयले इजरायलले गरेको आक्रमणमा यो अवधिमा ६१ जनाको मृत्यु र २३१ जना घाइते भएको जनाएको हो।
गत वर्षको ७ अक्टुबरदेखि हालसम्म इजरायली आक्रमणमा परी ४२ हजार १२६ प्यालिस्टाइनीको मृत्यु भएको हमासले जनाएको छ। हमासले जनाएअनुसार यो अवधिमा ९८ हजार ११७ जना घाइते भएका छन्।
गत वर्ष ७ अक्टुबरका दिन हमासले आक्रमण गरेर १ हजार दुई सय इजरायली नागरिकको हत्या गरेको थियो भने २५१ जनालाई बन्धक बनाएको थियो।
इजरायलले यो संघर्ष लेबनानतिर स्थानन्तरित भएको बताएको छ। पछिल्लो समय इजरायली सेना लेबनानमा हिज्बुल्लाहसँग र गजामा हमाससँग युद्ध गरिहेको छ।
प्रकाशित: २५ असोज २०८१ १९:१९
प्रतिक्रिया
