हिमाल प्रेस 
काठमाडौँ– बागमती प्रदेश सरकार गठनको विषयमा नेपाली कांग्रेस-नेकपा एमालेबीच भागबन्डा भएकको छ। दुई दलले आलोपालोमा सरकारको नेतृत्व गर्ने सहमति भएको हो।
सुरुमा नेपाली कांग्रेसका संसदीय दलका नेता बहादुरसिंह लामा र त्यसपछिको चुनावी सरकार नेकपा एमालेका संसदीय दलका नेता जगन्नाथ थपलियाले सञ्चालन गर्ने सहमति भएको हो।
दुई दलबीच भागबन्डा टुंग्याउन पूर्वमुख्यमन्त्री डोरमणि पौडेल र कांग्रेसका लामा, एमालेका थपलिया, कांग्रेसका इन्द्रबहादुर बानियाँलगायतका नेताहरू छलफलमा जुटेका थिए।
उनीहरूले गरेको सहमतिअनुसार कांग्रेसले मुख्यमन्त्रीसहित आर्थिक मामिला तथा योजना मन्त्रालय, आन्तरिक मामिला तथा कानुन मन्त्रालय, सामाजिक मन्त्रालय , युवा तथा खेलकुद मन्त्रालय, श्रम रोजगार तथा यातायात मन्त्रालय, सस्कृती, पर्यटन तथा सहकारी मन्त्रालय पाउने भएको छ।
एमालेले भौतिक पूर्वाधार मन्त्रालय, खानेपानी मन्त्रालय, उर्जा तथा सिंचाइ मन्त्रालय , कृषि तथा पशुपन्छी विकास मन्त्रालय, वन तथा वातावरण मन्त्रालय, उद्योग, वाणिज्य भूमि तथा प्रशासन मन्त्रालय र स्वास्थ्य मन्त्रालय लिने सहमति बनेको हो।
सहमतिअनुसार सुरुको २० महिना लामा मुख्यमन्त्री बन्नेछन्। उनले मुख्यमन्त्रीमा दाबी पेस पनि गरिसकेका छन्।
