जसपा कार्यालयबाट कागजात र फर्निचर लगेको भन्दै आङ्काजी शेर्पाविरुद्ध उजुरी

काठमाडौँ- जनता समाजवादी पार्टी (जसपा) नेपालको प्रवास विशेष प्रदेश समितिले आङ्काजी शेर्पाविरुद्ध उजुरी दिएको छ।

प्रवास विशेष समिति र ललितपुर जिल्ला कार्यालय रहेको बालकुमारीस्थित कार्यालयबाट कार्यालयसँग सम्बन्धित कागजात र फर्निचर लगेको आरोपमा शेर्पा र उनका समूहविरुद्ध ललितपुर प्रहरीमा उजुरी दिइएको हो।

शेर्पाविरुद्ध कारबाहीको माग गरी प्रवास विशेष प्रदेशका संयोजक डा. कृष्णकुमार राई र जसपा नेपाल ललितपुर जिल्ला अध्यक्ष कर्म महर्जनले बुधबार प्रहरीसमक्ष उजुरी दिएका हुन्।

महाधिवेशनको बेला पार्टीको सम्पत्ति गायब पारेको भन्दै खोजतलासका लागि प्रहरीलाई गुहारिएको जसपा नेपालका नेता पूर्ण बस्नेतले जानकारी दिए।