हिमाल प्रेस 
प्रतीकात्मक तस्बिर।
महेन्द्रनगर (कञ्चनपुर)- कञ्चनपुरको भीमदत्त नगरपालिकामा आज (आइतबार) थ्रेसर मेसिनमा च्यापिएर एक महिलाको मृत्यु भएको छ।
जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक उमेश जोशीले गहुँ झार्ने क्रममा थ्रेसरमा च्यापिएर भीमदत्त-९ का ४२ वर्षीया कौशादेवी जोशीको मृत्यु भएको जानकारी दिए। घटनापछि प्रहरीले ट्र्याक्टर र चालक पारस कार्कीलाई नियन्त्रणमा लिएको प्रहरीले जनाएको छ।
महिलाको शव परीक्षणका लागि महेन्द्रनगरस्थित महाकाली प्रादेशिक अस्पतालमा राखिएको छ। घटनाको थप अनुसन्धान भइरहेको जोशीले जानकारी दिए।
प्रकाशित: २ वैशाख २०८१ १९:५७
प्रतिक्रिया
