हिमाल प्रेस 
फाइल तस्बिर।
काठमाडौँ- चालु आर्थिक वर्ष २०८०/८१ को चार महिनामा रेमिट्यान्स आप्रवाह २६.४ प्रतिशतले वृद्धि भएको छ। नेपाल राष्ट्र बैंकका अनुसार साउन-कात्तिकको अवधिमा ४ खर्ब ७७ अर्ब ९६ करोड रुपैयाँ रेमिट्यान्स भित्रिएको हो।
गत आर्थिक वर्ष २०७९/८० मा रेमिट्यान्स आप्रवाह २०.४ प्रतिशतले बढेको थियो। महिनामा १ खर्बमाथि आइरहेको रेमिट्यान्स मुलुकको वैदेशिक मुद्रा सञ्चितिका लागि महत्त्वपूर्ण हिस्सा बनेको छ।
यो अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको संख्या १ लाख ३७ हजार ४७५ पुगेको छ। त्यस्तै ६८ हजार ८४१ जनाले पुनः श्रम स्वीकृति लिएका छन्।
गत आर्थिक वर्ष २०७९/८० को चार महिनामा १ लाख ९६ हजार ७३५ जनाले नयाँ र ८७ हजार ४२८ जनाले पुनः श्रम स्वीकृति लिएका थिए।
प्रकाशित: २८ मंसिर २०८० १३:३१
प्रतिक्रिया
