स्थानीय निर्वाचन तयारीका लागि दलहरूसँग छलफल गर्दै आयोग 

हिमाल प्रेस ४ मंसिर २०८३ ७:५४ | Friday, November 20, 2026
स्थानीय निर्वाचन तयारीका लागि दलहरूसँग छलफल गर्दै आयोग 

काठमाडौँ- निर्वाचन आयोग स्थानीय तहको चुनावको तयारीमा जुटेको छ। निर्वाचनको तयारीस्वरुप आयोगले राजनीतिक दलहरूसँग छलफल एवं परामर्श सुरु गरेको हो।

आयोगले आज विभिन्न राजनीतिक दलसँग छलफल सुरु गर्ने भएको जनाएको छ। सो प्रयोजनका लागि राष्ट्रिय राजनीतिक दलका प्रतिनिधिलाई आयोगले छलफलका लागि आमन्त्रण  गरेको छ।

आयोगले आज बिहान ११:३० बजे दलका नेताहरूलाई छलफलका लागि बोलाएको छ। आयोगका प्रवक्ता नारायणप्रसाद भट्टराईले आजका लागि राजनीतिक दलहरूलाई छलफलमा बोलाइएको जानकारी दिए।

प्रवक्ता भट्टराईले भने,‘स्थानीय तहको निर्वाचनका विषयमा छलफलका लागि नै उहाँहरूलाई आयोगमा आमन्त्रण गरिएको हो।’ राष्ट्रिय दलको मान्यता प्राप्त दलहरूलाई छलफलका लागि आयोगमा आमन्त्रण गरिएको उनले बताए।

स्थानीय एवं प्रदेश तहको निर्वाचनका सन्दर्भमा आयोगमा ती राजनीतिक दलका प्रतिनिधिहरुसँग आवश्यक परामर्श एवं छलफल हुने भएको हो।

प्रतिनिधिसभामा प्रतिनिधित्व गर्ने राष्ट्रिय स्वतन्त्र पार्टी (रास्वपा), नेपाली कांग्रेस, नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीले राष्ट्रिय दलको मान्यता प्राप्त गरेका छन्।

स्थानीय तहका जनप्रतिनिधिको कार्यकाल आगामी वैशाखमा पूरा हुँदैछ। त्यसैले आयोगले नयाँ निर्वाचनको मिति घोषणा र निर्वाचनको तयारीका सन्दर्भमा गृहकार्य थालेको हो।

निर्वाचनको मिति तथा व्यवस्थापन, आवश्यक पूर्वतयारीका सम्बन्धमा राजनीतिक दलहरूको सुझावका लागि सो छलफल गर्न लागिएको आयोगले जनाएको छ।

आयोगले राष्ट्रिय मान्यता प्राप्त राजनीतिक दलहरूसँगको छलफलपछि आयोगमा दर्ता भएका अरु राजनीतिक दलहरूसँग पनि छलफल गर्ने कार्यक्रम तय गरेको छ।

प्रकाशित: ४ मंसिर २०८३ ७:५४ | Friday, November 20, 2026

प्रतिक्रिया

Leave a Reply

Your email address will not be published. Required fields are marked *

eighteen − 2 =


© Nepali horoscope

© Gold Price Nepal

© Nepal Exchange Rates
© Nepal weather forecast