हिमाल प्रेस 
काठमाडौँ- कागेश्वरी मनोहरा नगरपालिका–१, गागलफेदीमा कौडा खेलिरहेको अवस्थामा ३७ जना पक्राउ परेका छन् ।
गागलफेदीस्थित कुशुम छयाम्बा हाउस र होमस्टेमा जुवातास खेलिरहेको भन्ने सूचनाका आधारमा प्रहरी वृत्त बौद्धबाट खटिएको प्रहरी टोलीले कौडा खेलिरहेको अवस्थामा उनीहरूलाई पक्राउ गरेको हो ।
उनीहरूको साथबाट पाँच लाख ७८ हजार ५५५ रुपैयाँ र २६ वटा कौडा फेला परेको जिल्ला प्रहरी परिसर काठमाडौंका प्रहरी उपरीक्षक दानबहादुर थापाले जानकारी दिए ।
जुवासम्बन्धी कसुरमा जिल्ला प्रशासन कार्यालयबाट पाँच दिनको म्याद थप गरी उनीहरूविरुद्ध अनुसन्धन भइरहेको प्रहरीले जनाएको छ । रासस
प्रकाशित: २८ कार्तिक २०८३ ६:३८ | Saturday, November 14, 2026
प्रतिक्रिया
