नेप्से परिसूचक २१ दशमलव ३२ अंकले बढ्यो

काठमाडौँ- धितोपत्र बजारमा सेयर कारोबार मापक नेप्से परिसूचक आज दोहोरो अंकले बढेको छ।

नेपाल स्टक एक्सचेञ्जका अनुसार नेप्से परिसूचक २१ दशमलव ३२ अंकले बढेर दुई हजार ६२१ दशमलव २६ मा पुगेको छ।

ठूला कम्पनीको कारोबार मापन गर्ने सेन्सेटिभ परिसूचक चार दशमलव ७९ अंकले बढेर ४७४ दशमलव ९६ मा पुगेको छ। फ्लोट सूचक एक दशमलव ६१ अंकले बढेर १८१ दशमलव ६३ मा पुगेको छ। सेन्सेटिभ फ्लोट सूचक एक दशमलव ७१ अंकले बढेर १६० दशमलव ६८ मा पुगेको छ।

आज विभिन्न कम्पनीका एक करोड १६ लाख ७४ हजार २०९ कित्ता शेयर चार अर्ब १३ करोड ६१ लाख ६१ हजार ३३१ रुपैयाँमा खरिदबिक्री भएका छन्।

तेह्र वटै उपसमूहमध्ये सबै उपसमूह बढेका छन्। आज १८८ कम्पनीको शेयर बढ्यो भने ८० कम्पनीको शेयर घट्यो। त्यसैगरी, नौ कम्पनीको शेयर स्थिर रह्यो।

नेप्सेका अनुसार आज एसबीएल डिबेञ्चर, नेपाल एसबीआई बैंक डिबेञ्चर र उपकार लघुवित्त वित्तीय संस्थाका लगानीकर्ताले कमाएका छन् भने सगरमाथा जलविद्युत् कम्पनी, एभरेष्ट कलर र स्वाभिमान लघुवित्त वित्तीय संस्थाका लगानीकर्ताले गुमाएका छन्।