हिमाल प्रेस 
काठमाडौँ- नेपाली कांग्रेसको उपसभापति पदमा दिएको उम्मेदवारी फिर्ता लिएको जानकारी दिँदै नेता देवराज चालिसेले कार्यकर्तासँग क्षमा मागेका छन्। उनले पार्टी सभापति गगन थापाो आग्रहलाई स्वीकारेका छन्।
‘साथीहरूमा मेरो अनुरोध छ , यो निर्णय विलकुल पार्टीको एकता, सस्थागत मर्यादा र सामूहिक हित लाई ध्यानमा राखि गरिएको निर्णय थियो । यो निर्णय चुनाव लक्षित छैन र व्यक्ति लक्षित पनि छैन , यसमा साथीहरू स्वतन्त्र हुनुहुन्छ । पार्टी प्रणालीमा सभापतिको राजनैतिक निर्णयको सम्मान गर्नु मैले आफ्नो कर्तव्य ठानेरै यो निर्णय लिएको हुँ।’
उनले भनेका छन्,’हामीले पार्टीका लागि केही गर्न भनेर भूमिका खोजेका हौ । कुनैपनि भूमिका अन्तिम हुँदैनन् र भूमिका आफूले रोज्ने भन्दा पार्टीले खोज्ने प्रणालीले नै पार्टी प्रणालीलाई बलियो बनाउँदछ। पार्टीका जिम्वेवारिहरू प्रतिष्ठा भन्दा परिणामका विषय हुन्। सामूहिक शक्ति र एकताबद्ध प्रयासले मात्र हामीले हाम्रो पार्टीलाई सुदृढ बनाउन सक्दछौ। साथीहरूको विश्वास र सद्भावप्रति गहिरो सम्मान छ।’
