हिमाल प्रेस 
काठमाडौँ- रसुवाको भोटेकोशीमा आएको विनाशकारी बाढीका कारण मृत्यु हुनेको संख्या १ हजार २०४ पुगेको छ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएअनुसार बुधबार साँझ ६ बजेसम्म यो संख्यामा शव फेला परेको हो।
प्राधिकरणका अनुसार रसुवामा ११५, तनहुँमा ३८, नुवाकोटमा १५५, नवलपरासी पूर्वमा २१७, धादिङमा ६०, नवलपरासी पश्चिममा २०२, गोरखा ६९ र चितवनमा ३४८ शव फेला परेको छ।
त्यस्तै बाढीमा परी ४ हजार २१६ जना सम्पर्कविहीन रहेको प्राधिकरणले जनाएको छ।
नेपाली सेनाका ४५, नेपाल प्रहरीका २५, सशस्त्र प्रहरी बलका १३, भन्सार कार्यालय रसुवाका १४, अध्यागमन कार्यालय रसुवाका ३, रसुवाका ८६५ र नुवाकोटका करिब १ हजार ५५८ जना सम्पर्कविहीन रहेको प्राधिकरणले जानकारी दिएको छ।
सम्पर्कविहीन रहेकामा विदेशी नागरिक ५८३, विदेशी पर्यटकसँगै गएका नेपाली १६४, जलविद्युत आयोजनाका ९ सय, लाङटाङ राष्ट्रिय निकुञ्जका ३, क्वारेन्टाइन कार्यालयका ३, जनप्रतिनिधि ७, स्थानीय तह वा अन्तर्गतका कर्मचारी ३२, निजी विद्यालयका शिक्षक १ जना रहेका छन्।
प्राधिकरणले बाढीपहिरोमा परेका ११ हजार ९९३ जनाको उद्धार गरिएको जनाएको छ।
राहत तथा उद्धार कार्यमा नेपाल प्रहरीका ७ हजार ९१२, नेपाली सेनाका ९ हजार १९९ र सशस्त्र प्रहरीका ४ हजार २०३ जना गरी कुल २१ हजार ३१४ सुरक्षाकर्मी परिचालन गरिएका छन्।
