हिमाल प्रेस 
काठमाडौँ- कालीमाटी फलफूल तथा तरकारी बजार विकास समितिको पछिल्ला तीन दिनको थोक मूल्य सूचीअनुसार बजारमा अधिकांश फलफूलको मूल्य स्थिर रहे पनि लिचीको मूल्य उल्लेख्य रूपमा बढेको छ।
१७ असारमा प्रतिकिलो २०० रुपैयाँ रहेको स्थानीय लिची १८ असारमा पनि सोही मूल्यमा कारोबार भए पनि १९ असारमा बढेर २५० रुपैयाँ पुगेको छ। भारतीय लिची पनि ३०० रुपैयाँबाट बढेर ३५० रुपैयाँ प्रतिकिलो पुगेको छ।
हरियो तरबुजाको मूल्य १७ र १८ असारमा प्रतिकिलो ६० रुपैयाँ रहेकामा १९ असारमा ७० रुपैयाँ पुगेको छ। यसको विपरीत आँप (मालदह) प्रतिकिलो ११० रुपैयाँ र दशहरी आँप १२० रुपैयाँमै स्थिर रहेको छ।
फुजी स्याउ प्रतिकिलो ३०० रुपैयाँ, अनार ४५० रुपैयाँ, नेपाली मेवा ९० रुपैयाँ, भारतीय मेवा १२० रुपैयाँ, जुनार २३० रुपैयाँ, नासपाती २५० रुपैयाँ तथा केरा (नेपाली) प्रतिदर्जन २५० र मालभोग केरा २०० रुपैयाँमै स्थिर रहेका छन्।
समितिका अनुसार अधिकांश फलफूलको मूल्य स्थिर रहे पनि मौसमी लिची र तरबुजामा माग बढेसँगै मूल्यमा वृद्धि देखिएको छ।
