हिमाल प्रेस 
मधेश प्रदेशका मुख्यमन्त्री कृष्णप्रसाद यादव
काठमाडौँ- मधेशका सत्ता साझेदार दलहरूले मुख्यमन्त्री कृष्णप्रसाद यादव नेतृत्वको सरकारलाई निरन्तरता दिने निर्णय गरेका छन्। आज (आइतबार) बसेको दलहरूको बैठकले यादव नेतृत्वको सरकारलाई निरन्तरता दिँदै यथाशीघ्र विश्वासको मत लिने निर्णय गरेको हो।
बैठकको निर्णयमा नेपाली कांग्रेसका तर्फबाट दलका नेता कृष्णप्रसाद यादव (मुख्यमन्त्री), जसपा नेपालका सरोजकुमार यादव, नेपाली कम्युनिष्ट पार्टीका युवराज भट्टराई र लोसपा नेपालका जयनुल राइनको तर्फबाट प्रतिनिधि रानी शर्मा तिवारीले हस्ताक्षर गरेका छन्।
जनमत पार्टीले वैशाख २३ गते मधेश प्रदेश सरकारलाई दिएको समर्थन फिर्ता लिएको थियो।
प्रकाशित: २७ वैशाख २०८३ १९:५९ | Sunday, May 10, 2026
प्रतिक्रिया
