हिमाल प्रेस 
काठमाडौँ- वाणिज्य, आपूर्ति तथा उपभोक्ता संरक्षण विभागले सोमबार काठमाडौँका दुईवटा फर्मलाई जरिवाना गरेको छ। उपभोक्ता संरक्षण ऐन, २०७५ तथा उपभोक्ता संरक्षण नियमावली, २०७६ बमोजिम अनुगमनका क्रममा कैफियत देखिएपछि वेस्ट सपिङ सेन्टर (ठमेल) लाई दुई लाख पाँच हजार बराबरको जरिवाना गरेको हो।
यस्तै कान्तिपुर क्याफे (एयरपोर्ट) लाई पनि दुई लाख पाँच हजार बराबरको जरिवाना गरेको छ।
हेभन ह्याण्डिक्राफ्ट २६ ठमेल र गुडलक ट्रेकिङ सप (ठमेल) लाई व्यवसायसँग सम्बन्धित कागजात लिएर विभागमा उपस्थित हुन निर्देशन दिइएको छ।
विभागले सोमबार कुल ४७ वटा फर्ममा अनुगमन गरेकामा ४३ वटालाई भने सुधारात्मक निर्देशन दिएको छ।
उपभोक्ता अधिकारकर्मी तथा सरोकारवालाको उपस्थितिमा विभागले नियमित रूपमा अनुगमन गर्दै आएको छ।
प्रकाशित: १५ वैशाख २०८३ ६:२८ | Tuesday, April 28, 2026
प्रतिक्रिया
