हिमाल प्रेस 
प्रतिनिधिमूलक तस्बिर
काठमाडौँ- नेपालगञ्जमा गोली चलाएर प्रहरीले तीन जनालाई नियन्त्रणमा लिएको छ। नेपालगञ्ज–२२ शान्तिचोकमा गोली चलाएर प्रहरीले तीन जनालाई नियन्त्रणमा लिएको हो।
लागुऔषध कारबार गर्नेलाई पक्राउ गर्ने क्रममा प्रहरीले गोली चलाएको जिल्ला प्रहरी कार्यालय बाँकेका प्रहरी निरीक्षक रमेश विष्टले जानकारी दिए।
उनले भाग्न लागेपछि हवाई फायर गरेर लागुऔषध कारोबारीलाई नियन्त्रणमा लिएको बताए।
उनीहरूको साथबाट ४१५ ग्राम ब्राउन सुगर बरामद भएको विष्टले बताए। प्रहरीले पक्राउ परेकाहरूको नाम खोलाएको छैन।
घटनाका विषयमा थप अनुसन्धान भइरहेको प्रहरीले जनाएको छ।
प्रकाशित: १२ वैशाख २०८३ १७:२१ | Saturday, April 25, 2026
प्रतिक्रिया
