हिमाल प्रेस 
काठमाडौँ- तनहुँको भानु नगरपालिकाले आधारभूत तह उत्तीर्ण परीक्षा (कक्षा ८) को परीक्षा एसईई मोडलमा सञ्चालन गर्ने भएको छ। त्यसका लागि नगरपालिकाको शिक्षा, युवा तथा खेलकुल शाखाले समयतालिका र केन्द्र विवरण सार्वजनिक गरेको छ।
आधारभूत तह उत्तीर्ण परीक्षा समितिको आजको निर्णयानुसार शैक्षिक सत्र २०८१ को वार्षिक परीक्षा कक्षा ८ परीक्षा समयतालिका र परीक्षा केन्द्र सार्वजनिक गरिएको हो। परीक्षा आगामी चैत १३ गते बुधबारदेखि सुरु हुने तालिका छ।
पालिकाको शिक्षा शाखाले परीक्षालाई मर्यादित, व्यवस्थित, विश्वसनीय र स्तरीय बनाउने उद्देश्यले यसपटक होमसेन्टरको व्यवस्था हटाई एसईई परीक्षाको मोडलमा परीक्षा लिने गरी केन्द्र निर्धारण गरिएको बताएको छ।
प्रकाशित: ३० माघ २०८१ १७:०४
प्रतिक्रिया
