कमल थापाको स्पष्टीकरण : कमजोर भएर राप्रपासँग एकताको प्रस्ताव गरेको होइन

काठमाडौँ- राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले कमजोरकाले राप्रपासँग एकताको प्रस्ताव नराखेको प्रष्ट्याएका छन्। थापाले राजसंस्था र हिन्दुराष्ट्र स्थापना गर्ने अहिले सर्वाधिक अनुकूल परिस्थिति भएका कारण आफूले एकताको प्रस्ताव राखेको तर्क गरेका छन्।

सबै राष्ट्रवादी शक्ति मिलेर अन्तिम धक्का दिनसके भ्रष्ट व्यवस्था र भ्रष्ट शासकबाट देशलाई मुक्त पार्न सकिने उनको भनाइ छ।

‘हाल विद्यमान भ्रष्ट व्यवस्था र भ्रष्ट शासकबाट देशलाई मुक्त तुल्याउने तथा राजसंस्था र हिन्दुराष्ट्र स्थापना गर्ने अहिले सर्वाधिक अनुकूल परिस्थिति भएको हुँदा सबै राष्ट्रवादी शक्ति मिलेर अन्तिम धक्का दिउँ भनेर हो। यो समय फेरि नआउन सक्छ’, उनले भनेका छन्।