हिमाल प्रेस 
काठमाडौँ- आईसीसी विश्वकप लिग–२ मा यूएईलेले लगातार हार व्यहोरेको छ। शनिबार सम्पन्न खेलमा पनि यूएईले नेदरल्यान्ड्ससँग ६७ रनको फराकिलो हार व्यहोर्र्यो।
नेदरल्यान्ड्सले दिएको २४२ रनको लक्ष्य पछाएको यूएईले ४५.२ ओभरमा अल आउट हुँदै १७४ रन मात्र बनायो। यस अघि टस हारेर पहिला ब्याटिंग गरेको नेदरल्यान्ड्सले ५० ओभरमा ८ विकेट गुमाउदै २४१ रन बनाएको थियो।
यो जितपछि नेदरल्यान्ड्स लिग-२ को अंक तालिकामा तेस्रो स्थानमा उक्लिएको छ। नेदरल्यान्ड्स ११ खेलमा १४ अंक भएको छ र समान १४ अंक रहेको स्कटल्यान्ड्स भन्दा रनरेटमा अगाडी हुँदै तेस्रो स्थानमा उक्लिएको छ।
त्यस्तै यूएईले भने लिग–२ मा नवौं हार बेहोरेको छ। यूएईको ११ खेलमा ४ अंकसहित पुछारमा रहेको छ।
प्रकाशित: २४ कार्तिक २०८१ २०:४६
प्रतिक्रिया
