हिमाल प्रेस 
फाइल तस्बिर।
काठमाडौँ- राप्रपा नेपालको तराई मधेश सम्मेलन कात्तिक २६ र २७ गते पर्साको वीरगञ्जमा आयोजना हुने भएको छ।
दुई दिनसम्म चल्ने सम्मेलनमा पार्टी अध्यक्ष कमल थापाले राजनीतिक कार्यपत्र प्रस्तुत गर्ने र कार्यक्रम आयोजनाको सम्पूर्ण तयारी पूरा भएको पार्टीका उपाध्यक्ष राजीव पराजुलीले जानकारी दिए।
सम्मेलनमा तराई मधेशको आर्थिक, सामाजिक, सांस्कृतिक र राजनीतिमा केन्द्रित रहि महत्त्वपूर्ण छलफल गर्ने कार्यतालिका रहेको उनको भनाइ छ।
पार्टीका अर्का उपाध्यक्ष धीरेन्द्र झाले मधेशको विकास र समृद्धिमा देखिएको सम्भावना र चुनौतीका बारेमा कार्यपत्र पेस गर्नेछन्। तराई मधेश क्षेत्रका २२ जिल्लाबाट २५० प्रतिनिधिहरूको सम्मेलनमा सहभागिता रहने महामन्त्री राजाराम बर्तौलाले जानकारी दिए।
प्रकाशित: २३ कार्तिक २०८१ १८:१९
प्रतिक्रिया
