जयसूर्या बने श्रीलंका क्रिकेटको मुख्य प्रशिक्षक

काठमाडौँ- सनथ जयसूर्या श्रीलंका क्रिकेट टिमको प्रमुख प्रशिक्षकमा नियुक्त भएका छन्। श्रीलंका क्रिकेट बोर्डले सोमबार जयसूर्यालाई टिमको प्रमुख प्रशिक्षक बनाउने निर्णय गरेको हो।

उनी २०२६ मार्च ३१ सम्म टिमको प्रमुख प्रशिक्षक रहने श्रीलंका क्रिकेट बोर्डले सामाजिक सञ्जालमार्फत जनाएको छ।

भारत, इंग्ल्यान्ड र न्युजिल्यान्डविरूद्ध टिमले गरेका प्रदर्शनलाई मध्यनजर गरी जयसूर्यालाई प्रमुख प्रशिक्षक बनाउने निर्णय भएको श्रीलंका क्रिकेट बोर्डल जनाएको छ।

यी देशविरूद्धका श्रृंखलाहरूमा जयसूर्या कार्यवाहक प्रमुख प्रशिक्षक थिए। श्रीलंका क्रिकेट टिमले जयसूर्यालाई बधाई दिँदै ‘द लिजेन्ड रिटर्नस’ भनेको छ।