‘वर एण्ड वधु’को दोस्रो गीत ‘इतिहास मै चर्चा चल्छ’ सार्वजनिक

काठमाडौँ- मिलन चाम्सको निर्देशनमा निर्माण भएको फिल्म ‘वर एण्ड वधु’को दोस्रो गीत ‘इतिहास मै चर्चा चल्छ’ सार्वजनिक भएको छ । सार्वजनिक गीतमा अर्जुन पोखरेलको संगीत, मुक्त उदासको शब्द रचना तथा राजेश पायल राई र मेलिना राईको स्वर छ।

कविराज गहतराजको कोरियोग्राफी रहेको गीतमा फिल्मका मुख्य कलाकार आँचल शर्मा, डेव्यु अभिनेता विवेक कर्माचार्य, गरिमा शर्मा, कुसुम शर्मा, विजु पार्की, विजय लामा, किरण केसी, रवीन्द्र खड्का, अंशु महर्जन, सृष्टी खड्का लगायतका कलाकारको अभिनय छ।

फिल्म भदौ १४ गते प्रदर्शन हुनेछ। एलआरके इन्टरटेनमेन्टको व्यानरमा निर्माण भएको सिनेमामा जानुका थापाको लगानी छ । अमृत रिजाल फिल्मका कार्यकारी निर्माता हुन्। सिनेमामा सुदीप बरालको डीओपी, मिलन श्रेष्ठको सम्पादन, साहिल खानको ट्रेलर, कविराज गहतराज र अनिसा स्याङ्देनको कोरियोग्राफी, हिमाल केसीको एक्सन निर्देशन छ।

फिल्मको कथा प्रदीप भारद्धाजले लेखेका हुन्।