आज प्रतितोला कति पुग्यो सुनको मूल्य?

काठमाडौँ- नेपाली बजारमा आज सुनको मूल्य बढेको छ। नेपाल सुनचाँदी व्यवसायी महासंघले सुन तोलामा ८०० रुपैयाँ बढेको जनाएकाे हो।

महासंघका अनुसार आज छापावाल सुन तोलामा एक लाख २५ हजार ८०० रुपैयाँमा कारोबार भइरहेको छ। अघिल्लो दिन उक्त सुन तोलामा एक लाख २५ हजार रुपैयाँमा कारोबार भएको थियो।

तेजाबी सुन तोलामा एक लाख २५ हजार २०० रुपैयाँमा कारोबार भइरहेको छ। चाँदी मूल्य एकै दिन ५० रुपैयाँ बढेको छ। चाँदी तोलामा एक हजार ५१५ रुपैयाँमा कारोबार भइरहेको महासंघले जनाएको छ।