हिमाल प्रेस 
चितवन- नेपाल कम्युनिष्ट पार्टी (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले अहिलेको गठबन्धनमा कुनै समस्या नभएको बताएका छन्।
यहाँ आज (बिहीबार) पत्रकारसँग कुराकानी गर्दै अध्यक्ष नेपालले भने, ‘गठबन्धनमा त्यस्तो कुनै प्रश्न खडा भएको छैन। गठबन्धन धर्मराएको पनि छैन। बलियो जगमा उभिएको छ।’
धेरै राजनीतिक दल गठबन्धनमा रहेकाले सामान्य समस्या आउने उल्लेख गर्दै अध्यक्ष नेपालले ती समस्याको समाधान खोजिने बताए। देखिएका समस्याको छलफलबाट उपाय निकालिने उनको भनाइ थियो।
नेपाली कांग्रेस, नेकपा माओवादी केन्द्र र आफ्नो पाटीको बैठक बसेको तथा विचारहरू आएको उल्लेख गर्दै उनले विचारको आधारमा कुन ढंगले अघि बढ्छन् त्यो हेर्न बाँकी रहेको बताए। गठबन्धनमा देखिएका दरारलाई समाधान गर्दै अघि बढ्ने अध्यक्ष नेपालको भनाइ छ।
प्रकाशित: १७ फागुन २०८० २०:२०
प्रतिक्रिया
