हिमाल प्रेस 
काठमाडौँ- काठमाडौँ क्यान्सर सेन्टर नालारोड भक्तपुरमा बुधबार अन्तर्राष्ट्रिय क्यान्सर दिवस मनाइएको छ। ‘स्याहारमा भएको फरकलाई बन्द गरौँ’ भन्ने नाराका साथ दिवस मनाइएको हो।
दिवसका अवसरमा क्यान्सर सचेतना कार्यक्रम र भीआईए स्क्रिनिङ स्वास्थ्य शिविर सञ्चालन गरिएको थियो। शिविरमा एक सय बढीले त्यसको लाभ उठाएका थिए।
कार्यक्रममा वरिष्ठ क्यान्सर रोग विशेषज्ञ डा. सुभाष पण्डितले पाठेघरको मुखको क्यान्सर र स्तन क्यान्सर परीक्षणको महत्त्वबारे जानकारी गराएका थिए।
कार्यक्रम अस्पातलका कार्यकारी निर्देशक डा. सीमित सापकोटाको सभापतित्वमा भएको कार्यक्रमको प्रमुख अतिथि कलाकार दीपाश्री निरौला थिइन्।
प्रकाशित: २४ माघ २०८० २१:०२
प्रतिक्रिया
