हिमाल प्रेस 
काठमाडौँ– हिमालय एयरलाइन्सले काठमाडौँ-बेइजिङ नियमित उडान सुरु गरेको छ। ९ गतेदेखि सुरु भएको काठमाडौँ-बेइजिङ-काठमाडौँ रुटमा अब हरेक शनिबार नियमित उडान सञ्चालन हुनेछ।
शनिबारको उडानमा चीनका लागि नेपाली राजदूत विष्णुपुकार श्रेष्ठ दुई राष्ट्रबीच बढ्दो मित्रता र सहयोगको प्रतिनिधित्व गर्दै सहभागी भए। कोभिड महामारी सुरु भएसँगै काठमाडौँ-बेइजिङ उडान बन्द भएको थियो।
हिमालय एयरलाइन्स नेपाल-चीनको साझेदारीमा स्थापित कम्पनी हो। हिमालयसँग हाल ४ वटा विमान छन्। यसले मध्यपूर्व र दक्षिण एसियाली राष्ट्र संयुक्त अरब इमिरेट्स, मलेसिया, कतार, साउदी अरेबिया, कुवेत, बंगलादेश र चीनमा उडान गरिरहेको छ।
प्रकाशित: १० असार २०८० ११:३८
प्रतिक्रिया
